|
بلوچان حَشَر کنین که «هر کار په بود ءُ همت انت» !
په اے مزنین کومی جد ءُ جهد بزان بلوچ کوم ءِ هستی ءُ زند ءِ رکینگ درستین بلوچ چه پیر ءُ کسان، چه جنین ءُ مردین درستان حشر(همکاری ءُ همکوپگی) کنگی انت. هر وڑین جد ءُ جهد په بلوچ کوم ءِ هاترا په بلوچستان ءِ آزاتی ءُ آبادی ءَ پاک ءُ مقدس انت. مان اے حشر ءُ کومی همکاری ءَ همک مثبت ءُ نیکین کارپه بلوچ ءِ هاترا جوان ءُ زبر انت. ا گان کسے سلاح چست کرت کنت ءُ ایران ءِ رسترین پاسدارءُ نظامی مان کرمان، یزد، اصفهان، تهران ءُ شیراز ءَ به کشیت اے بے درور ءُ برحقین جد ءُ جهدے انت۔ُ سلهبندین ورنا جنگ ءَ مان ایران ءِ پارس منندین شهران تالان کنگی انت پر چا که سلهبندین جهد مان پارس منندین شهر ءُ هند ءُ دمگان حکومتی رستران پیش داریت که جنگجاه تهنا مان بلوچستان نه انت. بلوچ سرمچاران بلوچستان ءِ کومی جد ءُ جهد ءَ اولی رد ءَ انت. بلوچ کوم هم هروڑین کمک ءُ مد ت سرمچاران کنگی انت. اگان کسے ڈن چه ایران انت ءُ سیاسی ءُ دود ءُ ربیدگی کار به کنت هم شَر انت. بلوچ سیاستکار ءُ سیاسی هوربندانی باسکان په تپاکی ءُ همکاری ءَ گون پهکدلی دگه بلوچ هوربند ءُ مچی یان همکوپگ به بنت په بزگین بلوچ کوم ءِ هاترا وتی بے سیتین تنگ نظریان بل انت ءُ یکدگر ءِ وجود ءَ به من انت ءُ تپاک بنت. دهکان وتی کار ءَََ گلائیش بیت ءُ تاجر وتی کارءَ. زبانزانت ءُ کواس وتی کارءَ به کنت ءُ شاعر ءُ ندکار وتی کارءَ په بلوچستان ءِ آزاتی ءَ په وتی کومی هستی ءُ زند ءِ رکینگ ءَ اے درستین کار پکار انت. بلے درستان بزان همک بلوچے ءَ وتی زند ءِ سهت ءُ دمانان اے پگر کنگی انت که ما را وتی کوم ءُ گلزمین چه تهران ءِ پلیتین رسترانی پنجگان رکینگی انت. هر بلوچے ءِ کامیابی مان وتی زند ءِ نیکین ءُ مثبتین کاران یک کومی کارے انت. اوپارکشوکین پتانی اوپارءُ دورچاری ءُ شپ ءُ روچانی زحمتان په وتی چکانی لاپ سیری ءُ سرآگاهی ءَ مزنین کومی کارے انت. بلوچ مکهین ماتان وتی آزیزین چکان رودینگ ءِ گون مروچیگین ءُ بانداتگین سرمچاران نازیننت. اے وَ چه درستان مسترین کومی کارے انت. ما را په وتی کومی حیثیت ءُ بلوچستانءِ هاترا باز کربانی دیگ لوٹیت، مئی دژمن چه هیتلرءِ نازیستان زالم تر ءُ گنده تر انت ءُ چه اسرائیل ءِ صهیونیستان هونوارتر.اے زالمین رستر بلوچستان ءَ په رزا ءُ وت دلا یله نه دینت ءُ په یک ءُ دو چه مئی گلزمین ءَ در نه بنت. ایشان هما وهد ءَ وتی پلیتین پنجگان چه پاکین بلوچستان دور کننت که ما گون تپاکی ءُ همکاری (حشر) وتی کومی حکان ءُ وتی گلزمین ءِ پچ گرگ ءَ اے خبیثین شیعه ـ شونیستانی دیما سربلند به اوشتین ءُ هر وڑین راه ءُ تاکتیکان کارمرز بکنین. هنون بلوچستان ءُُُُُ بلوچ کوم ءَ یک بے درورین تا ریخی موهے ( فرصتے) رستگ. بلوچستان ءِ نمیرانین عالم، شاعرءُ ندکار واجه مولانا عبدالله روانبد پیشنی ءَ چو وش گشتگ:
...« هنون شما را فرصت انت
ـــ تهم کار ءِ شرین مدت انـت
محمد کریم بلوچ
|