|
پاکستان آرمی ءِ چھاﺅنی یا پنجاپ ءِ کلات
گرانڈانی گوادر ءِ گوریچان ءِ رودرتک ءَ کساس 26کلومیٹر دیر یک کوچگے ۔اے کوچگے جاہ منندیں مردم بن اسل ءََمالدار ءُ دہقان بوتگ اَنت ۔ادءِ مھلوک ءِ گشگ اِنت کہ آ چہ کدیم ءََھمے میتگ ءََنندوک اَنت آیا ں چہ وتی پیراناں ھش نہ کرتگ کہ چہ آیانی پیرک ءََکسے چہ دگہ جاگھے ءََلڈ اِتگ ءُ ادءَ اتکگ ۔آیانی اے ھم گشگ اِنت کہ اے میتگ پانزدہ سد سا ل کوھنیں میتگے بلے مروچی چہ راجدپتری گواچناں چوشیں شاھدی درگیجگ سک گران اِنت البت شاھدی یے کراچی ءََلڈ بوجار کرتگیں بلوچانی رنگ ءَ دست کپ اِیت کہ چہ آیاں گیشتر مھلوک چہ ھمے دمگ ءََلڈاِتگ ءُ شتگ اَنت ۔ بلوچ چہ روایر شت ءَ دیم پہ رودراَتکءَ ھم ھمے ھند ءُ دمگاں لڈبوجار کنان شتگ اَنت ۔ا ے رنگ ءََاے کوچگ ءِ ھزار سال کوھن بوگ ءِ گپ باورے گپے ۔ انچوش کہ گرانڈانی ءِ نام ءََزانگ بیت کہ اے میتگ پھک ءَ ڈکالیں میتگے نہ بوتگ پمشکاملک سوچیں ڈکالاں ھم ویراندگ کرت نہ کرتگ ۔دنیگت ھم ادءِ مھلوک ءِ تب ءِ تہ ءَ میش ءُ بز دارگ ءِ ھب ھست مردمانی گور ءََبز،میش ءُ اوشتر ءََابید گوگ ھم ھست ۔چہ مروچیگیءَ کسا س سئے سال پیسر ادءِ مردم وتی ھمے زندگی ءََوژھال ءُ ایمن اِت اَنت ءُ ھچ گمان ءََنئے اِت اَنت کہ اناگتے لشکرے کئیت ءُ آیاں چر آیانی پت ءُ پیرکی ھنکین ءَدرکنگ ءِ گپ ءََجنت ءُ ملک ءُ میراساں بارت ...........................ھو!اے ھبر راست اِنت کہ مروچی گرانڈانی ءِ چپ ءُ چاگرد پہ آرمی کنٹونمنٹ جوڑ کنگ ءَ پاکستانی فوج ءََگپتگءُ چہ آاُود ءََپہ مھلوک ءِ درکنگءََترس ءُ بیھارءَ دیگ ءَ اِنت چہ فوج ءِ کارپداں ھچ اے سمانہ بیت کہ اے ملک ءِ فوج پہ مھلوک ءِ پھریزگ ءََجوڑ کنگ بوتگ ۔ڈن ءِ ملکاں سک ءُ سوریانی وھدءَ فوج وتی مھلوک ءِ کمک ءَ اوشتاتگ بلے اے فوج ءََمدام وتی مھلوک ءِ سر ءََتیرءُ بمبگواری کرتگ پہ تیر ءُ توپ گوارگ ءَ اے نہ چاراِیت کہ گوں سلاہ بندیں لشکر ءََجنگ دیگ ءََاِنت یاکہ بزکاریں مھلوک ئَ۔ گوستگیں اگست ءِ 25ءَ تربت ءَ بی این ایف ءِ ایمنیں اولسی مراگش ءِ سر ءََایشانی تیرگواری ءُ مردمانی کشگ منی ھبرے شاھدی ءََدنت ۔گرانڈانیءَ ھم فوج ءََبزکاریں مھلوک ءِ زمین پہ زور دستیگ کرتگ اَنت ۔فوج ءِ گشگ اِنت کہ آئی ءََاے زمین پہ بھا ءَ زرتگ بلے اے راستیں ھبر ایش اِنت گرانڈانی ءِ مردماں وتی زمین ھما وھد ءَ ھم ڈن ءِ زرداریں مردمانی کر ءََپہ بھا ءَ شات نہ کرتگ اَنت کہ ایشانی نیاد گیشتر بندگ بوتگ اَت گڑا مروچی پہ ارزانیں نیاد ءَ چون وتی لوگاں پاکستانی فوج ءََدات کن اَنت ؟؟بلے فوج اے ھبر ءِ ھچ پرواہ ءََنہ دارگ ءََاِنت ۔ جھندم چہ زمین ءِ برگ ءََفوج ءََپچیں پٹے یل داتگ ءُ میتگ ءِ تہ ءَ وتی تمبوجتگ اَنت۔ میتگ ءََمردمان چہ وتی کمک ءََیک پرائمری اسکول ءُ ہیلتھ سینٹر ے جوڑ کرتگ آ ھم فوج ءَ بے جست ءُ پرس ءََدستیگ کرتگ اَنت ءُ مھلوک چہ وانگ ءُ جانسلامتی ءِ آسراتیاں زِبھر کرتگ ۔ پاکستان ءِ سرکار مدام ھمے بھتام ءَ جنت کہ بلوچانی سردار ءُ کھدھاں بلوچ چہ وانگ ءََدیر داشتگ اَنت ءُ پہ آیاں آسراتی جوڑ کنگ ءََسرکار ءََنئیلگ ءََاِنت بلے انوں راستی گندگ بوگ ءََاِنت کہ پاکستان ءِ گمواریں مستریں ادارہ فوج ءََچہ مھلوک ءََوانگءُ جانسلامتی ءِ آسراتی پچ گیپتگ ۔دنیا ءِ تہ ءََبہ گندے کہ اے اولی رند بہ بیت یک فوجے ءََبید چہ جنگ ءُ شدت ءََوتی جندءِ ملک ءِ یک میتگے دستیگ کرتگ یاوَراستیں گپ ھمیش اِنت کہ بلوچستان ءِ سیاسی سروکے کن اَنت کہ پاکستانءََچاراجانی ملک گشگ دورگے اے ملک یوک پنجاپ ئیگ اِنت ۔اد ءََپنجاپ ءِ خلاف ءََگپ جنگ جرم اِنت کہ آئی ءِ سزاءَ بلوچستان ءِ بزگیں مھلوک ءِ سر ءََاُرش کنگ بوتگ ۔گوادر ءِ تہ ءََدیمرئی ءِ نام ءََبیوکیں اے درائیں کار بار استی ءَ پنجاپیانی گوادر ءََآباد کنگ ءِ پندل اَنت بلوچستان ءِ تہ ءَ چھاﺅنیانی جوڑ کنگ ھم پاکستان ءِ ناں بلکیں پنجاپ ءِ حاجت اِنت ۔پنجاپیانیچہ بندات ءََھمے ھنر بوتگ کہ وتی ھر چ سوت ءُ نپ اسلام ءُ پاکستان ءِ سوت گشتگ ءُ چیردستیں راج پل اِتگ اَنت ۔
مروچی اےپندل پاشک اِنت باید کہ مھلوک ءُ دنیاءِ مردم پنجاپ ءِ اے
بدماشی ایر بہ جن اَنت ءُ پاکستان ءِ واکداراں بہ منائین اَنت کہ
گرانڈانی ءِ چھاﺅنی پاکستاںناں بلکیں پنجاپ ءِ کلات اِنت کہ
بلوچستان ءِ دلبندءَ ءِ ے مک کنگ لوٹ اِیت ۔راجدپتر ءَ چوشیں روچ
دنیگت نہ دیستگ کہ کسے ءََبلوچانی میراس ھالوھالوپچ گیپتگ ۔پنجاپ
ءِ اے زوراکی الم ءََیک دگہ جنگے ءِ سبب بیت چد ءُ پیش کہ دگہ لھتے
نزوریں بلوچ پنجاپیانی بدماشی ءِ آماچ بہ بیت توانمندءُ واکدار
یںملک ، انسانی حقانی پاسداروکیں گل ءُ سیاستکار اے نیمگ ءََزو ت
دلگوشگور بہ کن اَنت ءُ مھلوک ءََچہ شدت ءََبہ پھریز اَنت ۔
...............................................................................................................................................................................................................
Click links for audio in balochi 26-08-2008 Gwdaer Jalsa.
http://www.4shared.com/file/61405105/ec05acda/Bramdag-Baloch.html
.................................................................... http://www.4shared.com/file/61406823/2a34ff0c/BASHEER-AZEEM.html .................................................................... http://www.4shared.com/file/61407375/ac926f8/SHEER-MOHAMMAD.html .................................................................... http://www.4shared.com/file/61408338/48778f17/QAYOOM-COMRADE.html .................................................................... http://www.4shared.com/file/61409015/be0a4814/Hameed-Baloch_BNM_.html .................................................................... http://www.4shared.com/file/61411863/eeef2b01/QAZI-DAD-MOHAMMAD.html .................................................................... http://www.4shared.com/file/61413782/a63eb9af/HUSAIN-ASHRAF.html
|